Húfuprjón

Húfuprjón – 57 uppskriftir á kríli, krakka, konur og karla er litrík og fjölbreytt bók með alls konar húfum ætluð öllum sem hafa áhuga á prjónaskap. Hér eru einfaldar og skýrar uppskriftir að húfum á fólk á öllum aldri, sem og gagnlegar leiðbeiningar, góð ráð og örstutt kennsla í því prjóni og hekli sem kemur fyrir í uppskriftunum.

Guðrún S. Magnúsdóttir hefur áratuga reynslu af prjónaskap, bæði í starfi sínu sem handavinnukennari og í tómstundum. Guðrún hefur áður sent frá sér bókina Sokkaprjón sem notið hefur mikilla vinsælda. Húfuprjón er byggð upp á sama hátt og Sokkaprjón og sem fyrr vann fjölskylda Guðrúnar bókina með henni.